Heledd Fychan Canol De Cymru - South Wales Central

Ddydd Mercher 22 Mehefin 2022, pleidleisiodd Cabinet Llafur Cyngor Rhondda Cynon Taf yn unfrydol o blaid cynigion i greu ysgol cyfrwng Saesneg newydd yng Nglyncoch.

Bydd yr ysgol, sydd i fod i gael ei hadeiladu ar safle hen ysgol Tŷ Gwyn, yn dilyn uno ysgolion cynradd Cefn a Chraig yr Hesg. Yn yr adroddiad sy’n argymell y cynnig nodwyd y byddai’r ysgol newydd hon yn “cynyddu capasiti ac yn gwella ansawdd y ddarpariaeth addysg gynradd cyfrwng Saesneg sydd ar gael i ddysgwyr yng Nglyncoch.”

Heddiw, mae disgwyl i Gabinet Cyngor RhCT drafod Cynllun Creu Lle newydd Pontypridd.

Tra bod dirfawr angen buddsoddiad a datblygiad yn yr ardal dan sylw, mae cynrychiolwyr lleol Plaid Cymru heddiw yn annog Cyngor RhCT i ail-ymgynghori ac yn bwysicach fyth i wrando ar farn trigolion, busnesau lleol a defnyddwyr y dref.

Braf iawn oedd ymweld a Tafwyl dros y penwythnos, a mwynhau’r arlwy yn ogystal a’r stondinau.

Mae Deian Hughes yn fyfyriwr sydd newydd orffen ei flwyddyn gyntaf yn astudio gwleidyddiaeth a chysylltiadau rhyngwladol ym Mhrifysgol Caerdydd. Ymunodd â'r tîm wythnos yma am brofiad gwaith yn gweithio yn fy swyddfa ranbarthol a fy swyddfa yn y Senedd. Ar ei ddiwrnod olaf ysgrifennodd y blog hwn am ei brofiad 

Mae ymgyrch Plaid Cymru i ddod â phwerau dros ddarlledu adref i Gymru gam yn nes ar ôl i banel arbenigol newydd baratoi'r ffordd ar gyfer datganoli pwerau cyfathrebu a darlledu i Gymru gael ei gyhoeddi heddiw.

Bydd y panel arbenigol, sy'n cael ei sefydlu fel rhan o'r Cytundeb Cydweithio rhwng Llywodraeth Cymru a Phlaid Cymru, yn darparu argymhellion ac opsiynau i helpu i gryfhau cyfryngau Cymru, ac yn cefnogi'r gwaith o ddatblygu cynlluniau ar gyfer fframwaith rheoleiddio effeithiol ac addas i'r diben i Gymru.

Bydd y panel yn cynghori ac yn darparu argymhellion ac opsiynau i gefnogi'r gwaith o gyflawni'r ymrwymiad i greu Awdurdod Darlledu a Chyfathrebu cysgodol i Gymru.

Ddoe, ymwelais ag Eisteddfod yr Urdd yn Ninbych gyda fy nheulu. Roedd yn wych bod yn ôl ar y maes am y tro cyntaf ers 2019 gan fod eisteddfodau 2020 a 2021 yn anffodus wedi gorfod cael eu canslo oherwydd Covid.

Dros yr ychydig flynyddoedd diwethaf, rwyf wedi bod yn cefnogi ymgyrch trigolion lleol yn erbyn ehangu Chwarel Craig Yr Hesg. Mae ceisiadau i ehangu wedi cael eu gwrthod ddwywaith gan Bwyllgor Cynllunio Cyngor Rhondda Cynon Taf. Ar y 21 Mehefin 2022  fe fydd Penderfyniadau Cynllunio ac Amgylchedd Cymru yn cynnal ymchwiliad cyhoeddus mewn i'r estyniad.

Wythnos diwethaf, ymwelais gyda gogledd Cymru gyda’r Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol.

Fe fuom i lu o lefydd amrywiol, gyda nifer ohonynt yn gyfarwydd iawn imi yn sgil fy swydd flaenorol gyda Amgueddfa Cymru megis Ty Pawb, Theatr Clwyd a’r Amgueddfa Lechi wrth gwrs.

Yn gynharach yr wythnos hon, ymwelais â Senedd yr Alban wrth i mi gynrychioli Senedd Cymru ar y British Irish Parliamentary Assembly.

Rwy’n Aelod hefyd o’r is-bwyllgor Amgylcheddol a Chymdeithasol ac rydym ar hyn o bryd yn cynnal ymchwiliad i’r ddarpariaeth ar gyfer ieithoedd lleiafrifol brodorol. Cymerwyd tystiolaeth yng Nghymru yn 2019, a dyma oedd ein cyfle ni i glywed am y sefyllfa yn yr Alban mewn perthynas â phob iaith frodorol. Ymhlith y rhai a roddodd dystiolaeth oedd Shirley-Anne Somerville MSP, Ysgrifennydd y Cabinet dros Addysg a Sgiliau, Llywodraeth yr Alban.

Yn ddiweddar, fe wnes i gynnal cyfarfod cyhoeddus gyda phobl leol ym Mhentre’r Eglwys  oedd yn poeni am oryrru yn yr ardal.

Rwy'n ymwybodol nad yw hwn yn fater sy'n unigryw i'r ardal hon gyda nifer o etholwyr yn cysylltu â’r swyddfa am faterion tebyg.

Y peth gorau y gallwch wneud pan welwch rywun yn gyrru'n beryglus yw rhoi gwybod i'r heddlu amdano.