Heledd Fychan Pontypridd Cynon Merthyr

Roedd yn wych ymweld â Chlwb Pêl-droed Trefforest ddydd Gwener ddiwethaf a chlywed mwy am y gwaith anhygoel sy’n cael ei wneud yn y clwb.
Cawsom drafodaeth gadarnhaol iawn am ddyfodol y clwb a’r rôl bwysig y mae’n ei chwarae yng nghanol y gymuned leol. 

Mae Clwb Pêl-droed Trefforest yn llawer mwy na chlwb pêl-droed mae’n ganolbwynt cymunedol go iawn, sy’n dod â phobl at ei gilydd ac yn darparu cyfleoedd i drigolion lleol o bob oed.

Roedd yn wych clywed am gynlluniau’r clwb ar gyfer y dyfodol a’r gwaith caled sy’n cael ei wneud i’w helpu tyfu a ffynnu.

Diolch i bawb yng Nghlwb Pêl-droed Trefforest am gymryd yr amser i gwrdd â mi. 

Roedd hi'n wych bod yn Cynon Linc wythnos diwethaf ar gyfer cymhorthfa gyngor ochr yn ochr â Sara Crowley, fy nghyd Aelod o'r Senedd Plaid Cymru yn etholaeth Pontypridd Cynon Merthyr.

Mae cymhorthfeydd yn rhan ganolog o fy ngwaith ac mae'n fy helpu i ddeall yn well y materion rydych chi'n eu hwynebu fel unigolion, teuluoedd neu gymunedau ac i'ch cefnogi chi yn y ffordd orau y gallaf.  Diolch i bawb a archebodd apwyntiad i'n gweld ni, ac am ymddiried ynom ni gyda'r materion maen nhw'n ceisio cymorth gyda nhw.

Byddaf yn cynnal cymhorthfeydd cyngor rheolaidd ar draws yr etholaeth, lle gallwch siarad â mi am unrhyw beth sydd angen help arnoch chi ag ef. Mae fy nhîm a minnau'n cefnogi pobl gydag ystod eang o faterion, gan gynnwys iechyd, tai, trafnidiaeth, addysg, yr amgylchedd a mwy.

Os oes angen cymorth arnoch gyda mater lleol, cymorth gyda gwaith achos, eisiau codi rhywbeth sy'n bwysig i chi, neu os hoffech i mi ymweld â grŵp neu brosiect, mae croeso i chi gysylltu bob amser.

Os oes angen help arnoch, mae yna nifer o ffyrdd y gallwch gysylltu:

Dwi'n falch o fod yn rhan o dîm Plaid Cymru gyda Lis Mclean a Sara Crowley, yn cynrychioli a chefnogi pobl Pontypridd, Cynon a Merthyr yn ein cymunedau lleolo a'r Senedd.  Yma cewch ddysgu mwy am un ohonynt - Sara Crowley, ei chefndir a'r hyn yr hoffai gyflawni yn ei thymor cyntaf fel Aelod o'r Senedd.

Cafodd ei geni a’i magu yng Nghwm Cynon, ac mae’n byw yno o hyd gyda’i theulu ac yn falch iawn o’i gwreiddiau.  Wedi’i gwreiddio yn ei chymuned, mae’n deall realiti bywydau bob dydd pobl ar draws y cymoedd, yn ogystal â’u cryfderau.

Mae ei gyrfa wedi canolbwyntio ar sefyll ochr yn ochr â phlant a phobl ifanc, yn enwedig y rhai sydd mewn perygl o gael eu hanwybyddu.  Cymhwysodd Sara fel athrawes ysgol gynradd drwy gyfrwng y Gymraeg yng Ngholeg y Drindod, Caerfyrddin, cyn gweithio i elusen atal trosedd mewn ysgolion uwchradd a charchardai, gan gefnogi pobl ar adegau heriol yn eu bywydau.

Cyn mynd i mewn i wleidyddiaeth, treuliodd ddegawd yn y GIG, lle datblygodd SEREN Connect, rhaglen addysg genedlaethol a gyd-luniwyd gyda phobl ifanc i wella’r gefnogaeth i bobl ifanc sy’n byw gyda diabetes Math 1.

Mae byw gyda diabetes Math 1 o oedran ifanc wedi llunio ei gweithgarwch ac wedi rhoi iddi’r penderfyniad i wneud i systemau weithio’n well i bawb.  Mae Sara yn credu y dylai gwleidyddiaeth fod yn dosturiol ac wedi’i gwreiddio ym mywydau bob dydd pobl.  Mae’n angerddol dros godi llais y rhai nad ydynt yn cael eu clywed yn aml, annog mwy o fenywod i ymgysylltu â gwleidyddiaeth, a herio’r rhwystrau sy’n dal pobl yn ôl, gan sicrhau nad yw neb yn cael eu gadael ar ôl.

Dwi'n falch o fod yn rhan o dîm Plaid Cymru gyda Lis Mclean a Sara Crowley, yn cynrychioli a chefnogi pobl Pontypridd, Cynon a Merthyr yn ein cymunedau lleolo a'r Senedd.  Yma cewch ddysgu mwy am un ohonynt - LIs Mclean, ei chefndir a'r hyn yr hoffai gyflawni yn ei thymor cyntaf fel Aelod o'r Senedd.

Mae Lisbeth McLean yn arweinydd cymunedol gyda dros 20 mlynedd o brofiad o weithio gyda phobl Merthyr Tudful i hyrwyddo’r Gymraeg, datblygiad cymunedol, a grymuso lleol.  Fel Prif Swyddog Menter Iaith Merthyr Tudful a Phrif weithredwraig Canolfan a Theatr Soar, mae hi wedi chwarae rhan flaenllaw mewn creu cyfleoedd i bobl o bob oed ymgysylltu â’r iaith a’r diwylliant mewn ffyrdd ystyrlon ac ymarferol.

A hithau wedi astudio Economeg ym Mhrifysgolion Aberdeen ac Abertawe, aeth Lisbeth ymlaen i addysgu Economeg ac Astudiaethau Busnes. Mae ei chefndir mewn addysg wedi llywio ei gwaith yn y trydydd sector, gan ddod â dealltwriaeth strategol o sut i gefnogi unigolion a chymunedau i dyfu, ffynnu, a dod yn fwy hunangynhaliol.

Yn angerddol dros gyfiawnder cymdeithasol, cydraddoldeb, a sicrhau bod pob llais yn cael ei glywed, mae gwaith Lisbeth yn canolbwyntio ar feithrin partneriaethau, cefnogi mentrau cymunedol gwreiddiol, a chryfhau presenoldeb y Gymraeg mewn bywyd bob dydd. Mae ei hymroddiad a’i harweinyddiaeth wedi gadael effaith barhaol ar Ferthyr a thu hwnt.

Mae’n parhau i bledio’r achos mai cymunedau cynaliadwy yw’r rhai sy’n cael eu hadeiladu o’r gwaelod i fyny—drwy iaith, hunaniaeth, ac uchelgais gyffredin am ddyfodol gwell.

Byddaf yn parhau i ymgyrchu i ddiogelu iechyd y cymunedau yr effeithir arnynt gan y Chwarel yn well ac mae gen i ddiddordeb mewn gwybod sut mae byw mewn cyffiniau yn effeithio arnoch chi a pha effaith sydd ganddo ar eich bywydau bob dydd fel y gallwn ddarparu rhagor o dystiolaeth i Lywodraeth Cymru o effaith y chwarel ar iechyd y cyhoedd.

Bydd unrhyw wybodaeth a rannwch yn cael ei chadw gan fy swyddfa a bydd yn sail i adroddiad cymunedol dienw. Cyhoeddir yr adroddiad terfynol a bydd ar gael ar fy ngwefan. Gallwch gwblhau'r holiadur ar-lein drwy glicio yma: https://tinyurl.com/bdckr598

Gobeithio y byddwch yn fodlon ateb yr holiadur hwn gan y mwyaf o ymatebwyr sydd gennym, y mwyaf cynhwysfawr fydd y dystiolaeth.

Dwi’n falch o fod yn rhan o dîm Plaid Cymru gyda Lisabeth Mclean a Sara Crowley yn cynrychioli ac yn cefnogi pobl Pontypridd Cynon Merthyr yn ein cymunedau lleol ac yn ein Senedd.

Mae fy nhîm staffio i ar gael o hyd ac mae gwaith achos yn parhau fel arfer.

I gysylltu:

[email protected]

01443 853214

Heledd Fychan, 2 High Street, Pontypridd, CF37 1QJ

Dwi'n ddiolchgar tu hwnt ac mae'n anrhydedd mawr i gael fy ail-ethol yn Aelod o'r Senedd ar gyfer etholaeth newydd Pontypridd Cynon Merthyr.

Mae'r swyddfa ym Mhontypridd bellach wedi ailagor a gallwch alw i mewn am gymorth neu gyngor rhwng 10am a 4pm, o ddydd Llun i ddydd Gwener. Ein cyfeiriad yw 2 Stryd Fawr, Pontypridd, CF37 1QJ. Fel arall, gallwch gysylltu â ni drwy e-bostio [email protected] neu ffonio 01443 853214.

Mae'r etholaeth newydd yn cynnwys Pontypridd, Cwm Cynon, Bwrdeistref Sirol Merthyr Tudful gyfan, ac ardaloedd o amgylch Llantrisant a Llanharan. Gallwch wirio os yw eich sefydliad wedi'i leoli yn / neu'n cwmpasu'r etholaeth hon yma (sgroliwch i ‘Pontypridd Cynon Merthyr’ tua gwaelod y dudalen i weld y map).