Heledd Fychan Canol De Cymru - South Wales Central

Roedd yn wych cyfarfod âg aelodau o wmni Buddiannau Cymdeithasol (CIC) Glo i Natur yn nhomen Cwm Tips ym Meddau yr wythnos hon a thrafod ei bwysigrwydd i fywyd gwyllt — a’r gwerth ehangach sydd gan safleoedd tomenni glo ledled De Cymru.

Buom yn trafod eu gwaith parhaus i adfer glaswelltir cyfoethog o flodau ar gyfer glöyn byw’r Small Blue a rhywogaethau eraill, yn ogystal â’u diwrnodau rheoli cynefinoedd i wirfoddolwyr sy’n dynesu a’r ymweliadau gan ysgolion cynradd lleol sydd wedi'u cynllunio.

Cynheliais i'r cyfarfod diweddaraf o'r Rhwydwaith Costau Byw ddydd Gwener diwethaf yn Nhrefforest.

Diolch yn arbennig i Mandy o Fanc Bwyd Pontypridd, Steffan o'r Sefydliad Bevan, Michelle o'r Ymddiriedolaeth Adfywio'r Meysydd Glo, Ben o National Energy Action a Karen o Cyngor ar Bopeth RhCT am eu cyflwyniadau.

Ddydd Iau diwethaf, cefais yr anrhydedd o fynychu AMPLIFY – Lle mae Cerddoriaeth yn Siarad Gwirionedd yn y Pierhead ym Mae Caerdydd.

Roedd yn ddigwyddiad pwysig ac ysbrydoledig, yn canolbwyntio ar ddyfodol cerddoriaeth yng Nghymru gyda phwyslais arbennig ar fynediad, ecwiti, cynrychiolaeth a newid ystyrlon, hirdymor.

Cefais sgyrsiau gwych gyda disgyblion Ysgol Gymunedol Aberdâr yn gynharach y mis hwn, gan drafod pob math o faterion yn amrywio o Deallusrwydd Artiffisial i fêpio, ac o brydau ysgol am ddim i sut y dylai gwisgoedd ysgol fod yn fwy fforddiadwy.

Mae’n galonogol iawn clywed ein disgyblion yn cael trafodaethau gwybodus a bywiog am y pethau sy’n bwysig iddyn nhw ac am eu hymwybyddiaeth o’r hyn y gall y Senedd a Llywodraeth Cymru ei wneud i newid bywydau er gwell.

Diolch am y croeso cynnes ac am rannu eich barn gyda fi ar gymaint o bynciau gwahanol.