Heledd Fychan Canol De Cymru - South Wales Central

Ymunodd Heledd FychanAS â staff a gwirfoddolwyr Cymorth Canser Macmillan yng Nghymru yn y Senedd ym Mae Caerdydd i nodi digwyddiad codi arian Bore Coffi blynyddol yr elusen.

Roedd y digwyddiad yn gyfle i ddarganfod mwy am sut mae Macmillan yng Nghymru yn cefnogi pobl sy'n byw gyda chanser, yn ogystal â chyfarfod â gwirfoddolwyr ysbrydoledig, codwyr arian a gweithwyr proffesiynol Macmillan.

Eleni, mae'r elusen ganser yn dathlu ei 33ain Bore Coffi Macmillan blynyddol sy'n gweld miliynau o bunnoedd yn cael eu codi mewn digwyddiadau sy’n cael eu trefnu mewn cartrefi, ysgolion, gweithleoedd a mannau cymunedol.

Cefais y pleser o gyfarfod â Phrif Swyddog Gweithredol a Chadeirydd Chwaraeon Cymru yn y Senedd yr wythnos hon. Roedd yn gyfle cyffrous i drafod dyfodol chwaraeon cymunedol a'r buddsoddiadau sy'n cael eu rhoi i'w gefnogi.

Roedd yn wych clywed am y buddsoddiad o £885,182 gan Gronfa Cymru Actif ar gyfer y cyfnod 2022-23, sydd wedi bod o fudd i glybiau chwaraeon cymunedol yng Nghanol De Cymru. Mae’r cyllid sylweddol hwn yn cael effaith gadarnhaol ar fentrau chwaraeon yn y rhanbarth.

Ddydd Mawrth 13 Medi, trafodwyd adolygiad annibynnol yr Athro Elwen Evans KC o adran 19 llywodraeth leol a Cyfoeth Naturiol Cymru am lifogydd eithafol yn ystod gaeaf 2020 a 2021 yn y Senedd. 

Wedi'i sicrhau fel rhan o fytundeb cydweithio rhwng Plaid Cymru a Llywodraeth Cymru, Mae’r adolygiad hwn yn gam pwysig i wella’r gwaith o reoli perygl llifogydd, gan gynnwys yr ymateb i achosion o lifogydd a’u canlyniadau, ledled Cymru.

Mae Bute Energy am geisio adeiladu Parc Ynni o'r enw Twyn Hywel ar y ffin rhwng Caerffili a Rhondda Cynon Tâf. Y cynnig yw gosod 14 o dyrbinau 200m o uchder ar hyd mynydd Eglwysilan a Llanfabon, uwchben Cilfynydd a lawr i gyfeiriad Senghennydd.

Mae llawer o drigolion wedi cysylltu â mi i fynegi eu pryderon a’u gofidiau am y datblygiadau arfaethedig felly rwyf wedi cyflwyno’r rhain mewn ymateb i gorff Llywodraeth Cymru, Penderfyniadau Cynllunio ac Amgylchedd Cymru (PCAC) heddiw. Gallwch ddarllen hwn yma. Os hoffech chi ddweud eich dweud am y cynlluniau, fe welwch nhw yma. I ddanfon eich ymateb cysylltwch â:[email protected]

Yn ddiweddar, ysgrifennais lythyr at y bwrdd iechyd yn mynegi fy mhryderon ynghylch cau'r unig feddygfa yng Nghilfynydd. Mae'r gangen hon o Feddygfa Dyffryn Taf yn achubiaeth hanfodol i lawer o breswylwyr, yn enwedig yr henoed sy'n dibynnu'n llwyr ar drafnidiaeth gyhoeddus i gael mynediad at wasanaethau gofal iechyd.

Yn ddiweddar cefais y cyfle i ymweld a siarad â’r grŵp cymorth cymdeithasol Friends R Us Aberdâr. Mae’r grŵp yn cyfarfod yn rheolaidd ar ail ddydd Llun pob mis, ac eithrio Ionawr, rhwng 7 a 9pm yn Neuadd Ambiwlans Sant Ioan, Aberdâr ac mae’n agored i bawb sydd wedi dioddef o salwch iechyd meddwl neu sy’n adnabod unrhyw un sydd wedi, neu wedi bod neu yn ofalwr.

Gyda’r Eisteddfod Genedlaethol bellach wedi agor ym Moduan, mae llefarydd Plaid Cymru dros y Gymraeg a diwylliant, Heledd Fychan AS, wedi galw ar Lywodraeth Cymru i wneud mwy i sicrhau dyfodol yr Eisteddfod Genedlaethol.

Wrth siarad o’r maes, pwysleisiodd Heledd Fychan, llefarydd Plaid Cymru dros y Gymraeg, bwysigrwydd yr ŵyl i Gymru a’r Gymraeg, gan gydnabod yr heriau mae’r sefydliad wedi ei wynebu yn sgil Covid, Brexit a’r argyfwng costau byw.

Nawr yw’r amser i osod mas y camau ar gyfer datganoli darlledu, meddai Plaid Cymru

Mae Plaid Cymru wedi galw ar Lywodraeth Cymru i gymryd “camau beiddgar” i ddechrau'r gwaith sydd ei angen i alluogi datganoli pwerau dros ddarlledu, a gweithredu ar argymhelliad allweddol adroddiad a gyhoeddwyd heddiw i sefydlu Awdurdod Darlledu a Chyfathrebu Cysgodol i Gymru.

Nid yw mislif yn stopio oherwydd ei bod yn gwyliau, ac ni ddylai unrhyw un orfod poeni am fynediad at gynnyrch mislif hanfodol. Mae gan fy swyddfa ym Mhontypridd gynnyrch mislif am ddim ar gael i'r unrhyw un sydd eu hangen. Galwch mewn neu yrru neges breifat atom, a byddwn yn gwneud yn siwr eich bod yn eu derbyn.

Yn ogystal, gallwch ddod o hyd i  gynhyrchion mislif am ddim dros yr haf yn y lleoliadau canlynol: