Roedd yn bleser cymryd rhan mewn trafodaeth panel drawsbleidiol yr wythnos diwethaf, a gynhaliwyd gan Grayling yn Adeilad y Pierhead, a'i chymedroli gan Rob Osborne o ITV Cymru.
Roedd y drafodaeth, Chwe Mis i Fynd, yn gyfle i fyfyrio ar y cyd-destun gwleidyddol a safbwyntiau'r polau piniwn, yn enwedig canlyniad is-etholiad Caerffili a chynnig barn ar yr hyn y gallai hyn ei olygu ar gyfer bwriad pobl wrth bleidleisio wrth ddynesu at etholiadau’r Senedd fis Mai nesaf.
Roedd yn ddadl fywiog gyda phob plaid yn rhagweld eu heriau a'u strategaethau unigryw eu hunain gyda thirwedd bleidleisio ac etholaeth sydd wedi newid yn ddramatig.
Un agwedd gadarnhaol a gafodd sylw oedd ymgysylltiad gweithredol a diddordeb pleidleiswyr ifanc ar garreg y drws (gyda'r oedran pleidleisio yn dechrau yn 16oed) a'r ddealltwriaeth bod ganddynt gyfle i ddylanwadu ar newid go iawn trwy'r Senedd a lleisio eu dyheadau ar gyfer eu dyfodol eu hunain a'u cymunedau. Bydd ganddynt hefyd gorff mwy o wleidyddion i ddylanwadu arnynt gyda’r gynrychiolaeth yn cynyddu o 60 i 96 Aelod mewn 16 etholaeth newydd sbon. Mae'r Senedd yn esbonio pam a sut y digwyddodd y newid democrataidd hwn ar y dudalen hon.
Gallwch hefyd weld sut mae lleisiau pobl wedi dod â newid sylweddol a pharhaol drwy ddylanwadu ar y broses ddemocrataidd yn y linc yma.
Dangos 1 ymateb
Mewngofnodi gyda
Mewngofnodi gyda Facebook Mewngofnodi gyda Twitter