Heledd Fychan Pontypridd Cynon Merthyr

Dydd Sadwrn 2 Hydref, agorodd Heledd Fychan, Aelod o’r Senedd dros Ganol De Cymru i Blaid Cymru ei swyddfa ranbarthol yng nghanol tref Pontypridd.

Yn gwmpeini iddi oedd Arweinydd Plaid Cymru, Adam Price AS, ac actifyddion lleol o bob rhan o'r rhanbarth.

Wrth siarad yn yr agoriad, dywedodd Heledd: “Ers mis Mai, rwyf i a’r tîm wedi bod yn helpu etholwyr gyda llu o faterion amrywiol a gweithio gyda grwpiau cymunedol ledled y rhanbarth.

“Mae cael swyddfa ym Mhontypridd, yn agos at yr orsaf reilffordd, yn golygu y gallwn groesawu pobl yn bersonol a pharhau i gynnig cefnogaeth lle bo angen.

“Rydym hefyd yn cynnal cyfarfodydd ledled y rhanbarth, ac apwyntiadau rhithwir a dros y ffôn. Cysylltwch â ni os gallwn helpu trwy [email protected] neu trwy ffonio 01443 853214.

Ychwanegodd Adam Price: “Rwyf wrth fy modd bod Heledd wedi agor ei swyddfa ranbarthol Plaid Cymru yng nghanol Pontypridd ac yng nghalon y gymuned. Mae Heledd a’i thîm wedi dechrau gweithio eisioes gan ganolbwyntio ar faterion cymunedol fel y llifogydd a’r ffaith nad oes gennym ni ymholiad annibynnol na chyfiawnder o hyd i’r rhai yr effeithiwyd arnynt.

“Llefydd fel Pontypridd yw lle byddwn yn adeiladu’r Gymru newydd - cymuned wrth gymuned - gan estyn allan a chydweithio i sicrhau dyfodol gwell i bawb.

“Os ydych yn yr ardal, rwy'n argymell yn gryf eich bod chi'n galw heibio i gael sgwrs gyda'r tîm sydd bob amser yno i wrando, helpu a chefnogi."

Bydd y swyddfa ar agor o ddydd Llun i ddydd Sadwrn.

Cyfeiriad y swyddfa yw 2 Stryd Fawr, Pontypridd.