Mae Heledd Fychan AS yn gwisgo pinc i gefnogi ymgyrch Breast Cancer Now 

Mae Heledd Fychan AS wedi gwisgo i fynu mewn pinc yn y Senedd er mwyn cefnogi wear it pink, un o ddigwyddiadau codi arian mwyaf a disgleiriaf y DU 

Ychwanegodd Heledd Fychan AS sblash o binc at ei dillad arferol i godi ymwybyddiaeth o ganser y fron ac i annog etholwyr i gefnogi wear it pink dros Breast Cancer Now, ar ddydd Gwener 18 Hydref i godi arian tuag at ymchwil hanfodol o'r radd flaenaf i ganser y fron ac ar gyfer cefnogaeth sy'n newid bywyd.  

 

Ymunodd aelodau eraill o'r Senedd â Heledd Fychan, i godi ymwybyddiaeth, ac i ddysgu mwy am ganser y fron yng Nghymru. Galwodd Heledd Fychan ar ei hetholwyr yng Nghanol De Cymru i ymuno â hi, yn ogystal â miloedd o bobl eraill ledled y DU, i gofrestru a chymryd rhan mewn wear it pink sy'n digwydd yn ystod Mis Ymwybyddiaeth Canser y Fron.  

Gall unrhyw un gymryd rhan a gwisgo pinc, boed yn yr ysgol, yn y gwaith neu gartref. Y cyfan sydd angen i chi ei wneud yw gwisgo rhywbeth pinc, neu gynnal digwyddiad ar thema pinc, a chyfrannu tuag at Breast Cancer Now i helpu'r elusen i gyflawni ei gweledigaeth bod pawb sy'n cael diagnosis o ganser y fron erbyn 2050 yn byw ac yn cael eu cefnogi i fyw'n dda.  

Dywedodd Heledd Fychan AS:   

"Bob 10 munud, mae rhywun yn y DU yn clywed y geiriau "mae gennych chi ganser y fron". Dyma'r canser mwyaf cyffredin yn y Deyrnas Unedig. Bob blwyddyn mae tua 11,500 o fenywod ac 85 o ddynion yn colli eu bywydau i'r afiechyd. Dyna pam rydw i mor angerddol dros annog pawb yn Heledd Fychan i gymryd rhan yn niwrnod wear it pink ar ddydd Gwener 18 Hydref.   

"Mae gwisgo pinc yn ffordd wych o ddod ynghyd â ffrindiau a theulu i gael hwyl wrth godi arian ar gyfer ymchwil o'r radd flaenaf a chefnogaeth sy'n newid bywyd. Fel y gwelwch o'm llun, y cyfan sydd ei angen yw ychwanegu sblash o binc i'ch gwisg arferol!  

"Rwy'n falch o gael codi ymwybyddiaeth o effaith y clefyd yn lleol, ac i gefnogi ymchwil Breast Cancer Now. Mae canser y fron yn effeithio ar gymaint o bobl yng Nghymru, felly rwy'n gobeithio y bydd pawb yng Nghanol De Cymru yn cymryd rhan y mis yma i gefnogi'r achos pwysig iawn hwn."   

Dywedodd Claire Rowney, prif weithredwr Breast Cancer Now: 

“Rydyn ni mor gyffrous i weld ‘wear it pink’ yn dychwelyd i’r Senedd, ac yn hynod ddiolchgar am gefnogaeth Aelodau’r Senedd i godi ymwybyddiaeth o ganser y fron a’r gwaith hanfodol mae gwisgo pinc yn helpu i’w ariannu.  

“Wrth i Aelodau’r Senedd wisgo pinc, ein gobaith yw y byddan nhw hefyd yn annog eu hetholwyr i wisgo pinc yn eu cartrefi, eu hysgolion neu eu gweithleoedd ddydd Gwener 18 Hydref. Bydd hyn yn ein helpu ni i gynyddu’r ymwybyddiaeth am ganser y fron a pharhau i gyflwyno ymchwil a chymorth sy'n newid bywydau.  

“Mae gwisgo pinc yn gyfle gwych i gymunedau ledled y DU ddod ynghyd, mwynhau a dangos eu cefnogaeth i'r achos pwysig iawn yma. Drwy wisgo rhywbeth pinc a rhoi beth bynnag allwch chi, byddwch chi’n helpu i godi arian ac ymwybyddiaeth y mae mawr eu hangen. Gyda’n gilydd, gallwn gymryd cam hollbwysig arall tuag at gyrraedd ein nod, sef hyn: erbyn 2050, bydd pawb sy’n cael diagnosis o ganser y fron yn byw ac yn cael eu cefnogi i fyw’n dda.”  

 

I gymryd rhan mewn wear it pink ym mis Hydref, ewch i wearitpink.org am ragor o fanylion ac am syniadau codi arian. 


Dangos 1 ymateb

Edrychwch yn eich e-bost am ddolen i fywiogi eich cyfrif.
  • Brooke Webb
    published this page in Newyddion 2024-10-18 15:47:10 +0100

Mae hyn yn dechrau gyda chi

Ganddyn nhw mae'r arian, ond gennym ni mae'r bobl. Os yw pawb sy'n ymweld â'r wefan hon yn ymuno â'n symudiad yna does dim na allwn ei gyflawni.

Ymgyrchoedd