Mynychais y Pwyllgor Deisebau yr wythnos hon, lle roeddent yn trafod dwy ddeiseb dw i wedi bod yn ymwneud yn agos â nhw – un yn ymwneud â chludiant ysgol a'r llall o ddiddordeb arbennig i'r rhai yr effeithiwyd arnynt gan Chwarel Craig yr Hesg sy'n galw am barth byffer gorfodol o leiaf 1,000 metr ar gyfer pob chwarel newydd a chwarel bresennol yng Nghymru. Gallwch weld y trafodaethau yn y linc yma.
Cludiant Ysgol
Cytunodd y pwyllgor y dylid cynnal dadl lawn ar lawr y Senedd rywbryd yn y flwyddyn newydd ynghylch y ddwy ddeiseb sy'n ymwneud â chludiant ysgol.
Bydd hyn yn cadw'r deisebau'n fyw ac yn sicrhau cyfle i godi pryderon trigolion a thrafod yr ymgynghoriad presennol ar adolygu'r canllawiau.
Parth byffer gorfodol o 1000 metr ar gyfer pob chwarel newydd a chwarel bresennol
Mae'n amlwg bod gwahaniaeth barn rhwng Llywodraeth Cymru ac ymgyrchwyr ynghylch a oes angen adolygu'r MTAN-1 ai peidio, gyda Llywodraeth Cymru yn gofyn am dystiolaeth gan aelodau etholedig i benderfynu a oedd ei gynnwys yn gyfredol.
Cytunodd y Pwyllgor i ysgrifennu at Lywodraeth Cymru i geisio eglurder ynghylch pa fath o dystiolaeth fyddai’n eu hannog i gychwyn adolygiad; a hefyd i ofyn i Ysgrifennydd y Cabinet a fyddai hi’n cwrdd ag Aelodau’r Senedd sydd â phryderon ynghylch hyn. Awgrymais hefyd y dylai’r Pwyllgor Deisebau roi’r mater hwn mewn adroddiad gwaddol ar gyfer y Senedd nesaf, fel ei fod yn ffocws gwaith y pwyllgor craffu perthnasol.
Dangos 1 ymateb
Mewngofnodi gyda
Mewngofnodi gyda Facebook Mewngofnodi gyda Twitter