Ers bron i ddwy flynedd erbyn hyn dw i wedi bod yn ymgyrchu, ar y cyd gyda ddioddefwyr y llifogydd dros ymchwiliad annibynnol – rhywbeth sydd wedi derbyn cefnogaeth gan filoedd ar hyd a lled RhCT. Er pleidleisio DROS ymchwiliad yn Lloegr gwrthododd ein ASau ni yma yn RHCT gefnogi ymchwiliad i ni yng Nghymru, fel yn wir mae Llywodraeth Cymru.
Dyna pam dw i’n falch o weld, drwy’r cytundeb Cydweithredu â Llywodraeth Cymru, fod Plaid Cymru wedi sicrhau adolygiad annibynnol i’r llifogydd. Rydym yn canolbwyntio ar wneud gwahaniaeth a dim ond oherwydd pwysau cymunedol a’n dylanwad yn y Senedd yr ydym yn gwneud cynnydd ar y mater hwn. Mae’r adolygiad yn gam pwysig tuag at gyfiawnder i ddioddefwyr llifogydd ar draws RhCT.
Os ydych chi’n meddwl bod yna gwestiynau dal heb eu hateb, neu eich bod yn haeddu iawndal, dim ond trwy ymchwiliad annibynnol y down o hyd i'r gwirionedd unwaith ac am byth a sicrhau cyfiawnder i bawb. Os byddai'n well gennych wneud heb roi gwybodaeth bersonol, gallwch lenwi'r holiadur yma.
Dangos 1 ymateb