Heledd Fychan Canol De Cymru - South Wales Central

Mae dyfarniad diweddar y Goruchaf Lys wedi achosi gofid o fewn y gymuned drawsryweddol. Mae Plaid Cymru yn pwysleisio na ddylid gweld y penderfyniad hwn fel buddugoliaeth i un grŵp dros un arall. Rydym yn parhau i fod yn gadarn yn ein hymrwymiad i amddiffyn hawliau pawb, cefnogi hawliau menywod a phobl Traws, a chynnal egwyddor hunan-adnabod.

Nid yw'r farn gyfreithiol hon yn lleihau hawliau pobl traws yn erbyn gwahaniaethu, a bydd Plaid Cymru yn parhau i eirioli dros ddatganoli pwerau cydraddoldeb i sicrhau bod yr hawliau hyn yn cael eu diogelu. Mae ymladd dros hawliau menywod yn golygu ymladd dros bob menyw, gan gynnwys menywod trawsryweddol, a chreu cymdeithas sy'n rhydd o wahaniaethu a thrais. Gyda'n gilydd, rhaid uno yn erbyn rhagfarn a chasineb a sicrhau cydraddoldeb gwirioneddol i bawb.