Llywodraeth Lafur ddim yn gwrando ar sefydliadau diwylliannol Cymru

Plaid Cymru yn pwyso am fwy o atebolrwydd wrth gynnal y mandad democrataidd i gefnogi sefydliadau diwylliannol.

Mae llefarydd Plaid Cymru dros ddiwylliant wedi ysgrifennu at Weinidog Llywodraeth Cymru dros Ddiwylliant, Sgiliau a Phartneriaeth Gymdeithasol yn mynnu bod Llywodraeth Lafur Cymru yn "cydnabod ei chyfrifoldeb" wrth sicrhau bod sefydliadau diwylliannol yn cael eu "meithrin a’u cynnal yn unol ag ewyllys democrataidd y Senedd."

Daw'r galwadau hyn ar ôl cau'r National Theatre of Wales, a ariennir Ariennir yn gyhoeddus, ym mis Rhagfyr 2024, a'r cyhoeddiad fod Theatr Genedlaethol Cymru newydd yn cael ei sefydlu gan Michael Sheen - unigolyn preifat.

Mae'r AS Plaid Cymru yn dweud bod gan Lywodraeth Lafur Cymru gyfrifoldeb democrataidd dros gynnal sefydliadau diwylliannol sy'n "arddangos creadigrwydd, talent a hunaniaeth Cymru".

Derbyniodd sefydliad Theatr Genedlaethol Cymru gefnogaeth drawsbleidiol fel rhan o Gytundeb Cymru'n Un yn 2007. Mae'r llythyr gan Heledd Fychan AS yn dweud y bydd ei phlaid yn "parhau i dynnu sylw at y mater hwn ac yn pwyso am fwy o atebolrwydd wrth gynnal y mandad democrataidd a sefydlodd y sefydliadau hyn".

Mae Plaid Cymru yn dweud y "y dylid bod wedi cymryd camau i fynd i’r afael â phryderon cyn i bethau gyrraedd y pwynt hwn", lle gorfodwyd Theatr Genedlaethol Cymru i gau, sydd wedi tanseilio'r " ymdrech ar y cyd a arweiniodd at ei ffurfio".

Mae'r Aelod yn parhau drwy annog Llywodraeth Lafur Cymru i "fyfyrio ar oblygiadau ehangach y sefyllfa hon ac i ailddatgan ei hymrwymiad i gefnogi celfyddydau a diwylliant Cymru fel sylfaen hanfodol i’n hunaniaeth genedlaethol."

Dywedodd llefarydd Plaid Cymru ar ddiwylliant, Heledd Fychan AS:

“Ni ddylai Michael Sheen orfod gwneud gwaith Llywodraeth Lafur Cymru ar ariannu Theatr Genedlaethol cyfrwng-Saesneg newydd i Gymru, yn enwedig o ystyried y sefydlwyd y Theatr yn 2009 yn sgil consensws trawsbleidiol yn y Senedd. Mae hyd yn oed yn fwy pryderus fod y Prif Weinidog a’r Gweinidog Diwylliant, wrth gael eu holi am yr argyfwng sy'n wynebu'r sectorau diwylliant a'r celfyddydau, yn claddu eu pennau yn y tywod ac yn methu â chydnabod difrifoldeb y sefyllfa.

"Mae'n amlwg nad yw Llafur yn gwrando ar y pryderon a godwyd, fel y rhai a godwyd gan Brif Weithredwr Cyngor Celfyddydau Cymru a rybuddiodd 'na fydd sector proffesiynol mewn 10 mlynedd' os bydd toriadau cyllid yn parhau.  

"Mae'r rhybudd hwn gan Gyngor Celfyddydau Cymru a sefydliadau di-ri eraill gan gynnwys Opera Cenedlaethol Cymru, Creu Cymru, Llyfrgell Genedlaethol Cymru, Amgueddfa Cymru am effaith y toriadau, yn dangos yn glir nad yw Llafur naill ai'n gwrando neu ddim yn deall beth sy'n digwydd.

"Mae Plaid Cymru yn glir bod y sectorau diwylliannol, treftadaeth a chelfyddydol yn hanfodol ac yn haeddu cefnogaeth y llywodraeth. Maent yn dod â phobl ynghyd ac yn ysgogi twf yn ein diwydiannau creadigol. Ni allwn adael i'r sectorau hyn wywo ac rydym yn parhau i annog Llywodraeth Lafur Cymru i ddiogelu diwylliant a threftadaeth gyfoethog Cymru."


Dangos 1 ymateb

Edrychwch yn eich e-bost am ddolen i fywiogi eich cyfrif.
  • Brooke Webb
    published this page in Newyddion 2025-01-21 11:56:13 +0000

Mae hyn yn dechrau gyda chi

Ganddyn nhw mae'r arian, ond gennym ni mae'r bobl. Os yw pawb sy'n ymweld â'r wefan hon yn ymuno â'n symudiad yna does dim na allwn ei gyflawni.

Ymgyrchoedd